Concello de Verín

A área de deportes do Concello de Verín vén de acadar unha interesante colaboración para incrementar a oferta deportiva na nosa bisbarra. O Clube "Mizukami" impartirá clases de Karate no pavillón municipal de Verín a partires do 23 de setembro. Os horarios das sesión, durante todo o inverno, estarán configurados entre os luns (de 18.30 a 20.30 h) e os mércores (de 17.30 a 19.30 h). As idades dos alumnos que desexen participar estarán comprendidas dende os 4 anos en adiante e a disciplina está dirixida tanto para nenos como para adolescentes.

O Clube Mizukami conta cun equipo de instructores altamente cualificados e experimentados, liderados por Juan Manuel Pazos (4º DAN de Karate Shotokan) e Noel Pazos (2º DAN) e a súa actividade está certificada pola Federación Galega de Karate, dedicándose a proporcionar un ensino de alta calidade que se adapta ás necesidades individuais de cada alumnmo.. Non obstante, xa contan con numerosos alumnos en outras sedes que participan en Campionatos galegos e nacionais.

Para todos os interesados en probar esta actividade, o Clube Mizukami establece a semana do 23 e o 25 de setembro como "SEMANA DE PORTAS ABERTAS" para que os alumnos podan experimentar de primeira man esta disciplina e ver se se adaptan a ela. A convocatoria está fixada para que os rapaces se acheguen ao pavillón municipal eses dous días: 23 de setembro (18.30 h) e o 25 de setembro (17.30 h).

Máis información: Clube de Karate Mizukami (697.51.64.42.).