Concello de Verín

  • Decrease font size
  • Default font size
  • Increase font size
Home Cidade Novas Reunión do alcalde de Verín co conselleiro de Medio Ambiente e Desenvolvemento Sostible
Reunión do alcalde de Verín co conselleiro de Medio Ambiente e Desenvolvemento Sostible PDF Imprimir Correo-e
Xoves, 06 Novembro 2008 18:32
O alcalde do Concello de Verín, Juan Manuel Jiménez Morán, reuniuse co conselleiro de Medio Ambiente e Desenvolvemento Sostible, Manuel Vázquez Fernández, co obxectivo de mostrarlle as actuacións realizadas pola institución local no ámbito ambiental, así como para exporlle as necesidades existentes e definir os futuros proxectos a desenvolver no ámbito da Eurocidade Chaves-Verín.

En devandita reunión, Manuel Vázquez anunciou que a Consellería de Medio Ambiente e Desenvolvemento Sostible licitará antes de fin de ano o proxecto de mellora da depuradora de augas (EDAR) de Verín, que conta cun investimento de 1,8 millóns de euros. Esta actuación forma parte dun plan de saneamento integral e recuperación ambiental do río Támega, que busca mellorar a calidade da auga e eliminar os puntos de verteduras na canle.

Ademais, tanto o alcalde de Verín como o conselleiro recordaron que, actualmente, estase traballando na mellora das infraestruturas hidráulicas da rúa Espido, barrio de San Roque, regato de Ábedes e da rúa Río Támega, e no abastecemento e saneamento do pobo de Cabreiroá.
 
EBC

Logo FEADER

Centro de Dia

Guía da Comarca de Verín


Solicitude de Participación









CoronaVirus
Buzón do Cidadán

IOP Definitivo

PMPCI

PEID Definitivo

PEID Caldeliñas

Plan Xeral de Ordenación Urbana


Sede electrónica


A un click


Biblioteca Municipal








Visor Sixpac



?>