Concello de Verín

  • Decrease font size
  • Default font size
  • Increase font size
Home Cidade Novas Aberta a inscrición para o Obradoiro do Cigarrón
Aberta a inscrición para o Obradoiro do Cigarrón PDF Imprimir Correo-e
Venres, 24 Outubro 2008 10:23
O Concello de Verín organiza, un ano máis, un obradoiro para aprender a facer o disfrace de cigarrón, ben sexa completo ou partes desta máscara. Os/as interesados/as poden inscribirse até o día 14 de novembro na Casa do Concello, na oficina de información (planta baixa).
As actividades formativas comezarán coa segunda quincena de novembro, e na semana que remata co Domingo de Corredoiro exporanse na Casa do Escudo os disfraces que se confeccionaron.

O cigarrón é unha das mostras máis importantes de cultura material, no relativo á vestimenta das efemérides, tanto do patrimonio local como do de Galicia. Por este motivo desde o ano 1997, o Concello de Verín organiza anualmente este obradoiro. A finalidade é dobre: divulgar patróns para a confección dos diversos elementos que compoñen esa peculiar máscara, e ofrecerlle a posibilidade de facer os compoñentes deste complexo disfrace a calquera persoa sen coñecementos.

No Obradoiro do Cigarrón apréndelle aos inscritos a facer os elementos artesanais da máscara, que son todos os do disfrace agás a camisa, as polainas, as medias, as faixas, a pano do lombo, os zapatos e os chocallos, que se poden adquirir de produción industrial. Tamén se informa aos participantes sobre o tipo de calzado que harmoniza co traxe, que tipo de chocallos e cantos se deben adquirir, ou como vestir o disfrace e utilizalo en público. Con isto preténdese que o cigarrón se manteña dentro duns canons de respecto polas formas clásicas da máscara, e que non se inclúan elementos aberrantes na confección e o uso.

 
EBC

Logo FEADER

Centro de Dia

Guía da Comarca de Verín


Solicitude de Participación









CoronaVirus
Buzón do Cidadán

IOP Definitivo

PMPCI

PEID PREGUIZA

PEID Caldeliñas

Plan Xeral de Ordenación Urbana


Sede electrónica


A un click


Biblioteca Municipal








Visor Sixpac



?>