Concello de Verín

Un total de vinte menores, acompañados das súas nais ou pais, participaron hoxe na xornada inaugural da iniciativa 'Kero-kolo', organizada polo departamento de Educación Familiar do Concello de Verín.

Esta iniciativa, que se desenvolverá todos os martes ás 11.30 horas -na aula de psicomotricidade do Pavillón Municipal de Deportes-, busca converterse nun novo espazo de encontro entre pais/nais e nenos/as, de dous a tres anos de idade, onde conxuntamente familia e a persoa directora das sesións creará un espazo encamiñado a relacionarse entre eles, xa que a familia é o primeiro axente de socialización onde os/as nenos/as asentan as bases para unha sólida educación e convivencia con outros iguais.

Devandito programa  ten por obxecto crear unha serie de actividades de interacción e participación entre os/as menores e as familias nas que se desenvolven iniciativas de educación infantil conxuntas e propostas por todos/as os/as participantes, é dicir, unha aula de convivencia que será unha antesala de entrada ao centro educativo e a compartir experiencias cotiás. Por este motivo na xornada inaugural desta iniciativa, que coincidiu co 'Día Universal do Neno', os/as nenos/as elaboraron, en colaboración con Unicef, gorros solidarios do personaxe de debuxos animados 'Pocoyó' e os coñecidos como 'Cumpledías' -debuxar os anos que levan vividos en días-.

Ademais durante a mesma, todas as familias participantes deseñarán a mascota Keko, para que os/as menores se sintan identificados co programa dun xeito lúdico.