Concello de Verín

Na xornada de mañá catro dos equipos do Concello de Verín disputarán as súas respectivas finais, nas categorías de Fútbol e Fútbol-Sala, na Copa Deputación.

O primeiro partido será na disciplina de Fútbol, terá lugar en Barbadás, ás 11 horas, e enfrontará ao equipo infantil das EDF de Verín co Ribeiro FC. Xa de tarde no Pazo dos Deportes Paco Paz disputaranse os tres finais de Fútbol Sala desta Copa Deputación. A primeira delas será a de alevín feminino, ás 17 horas, entre o Cidade das Burgas e o equipo do Concello de Verín. Ás 18 horas, enfrontaranse os equipos infantís de Santa Teresita e Concello de Verín, e ás 19 horas, xogarase o partido de alevín masculino entre O Barco e o Concello de Verín Grupo A.