Concello de Verín

 Con motivo do Día Internacional da Eliminación da Violencia contra a Muller, o Concello de Verín súmase a campaña “Recicla o Machismo” contra a violencia de xénero realizada polo CIM da Mancomunidade de Municipios de Verín

O sábado 27 de  novembro, ás 20:00 horas, o Auditorio Municipal de Verín acolle a representación teatral da obra “Morgana en Esmelle” de Sarabela Teatro. Esta produción é unha adaptación da novela de Begoña Caamaño, xornalista e escritora  natural de Vigo que falecía en Santiago de Compostela no ano 2014.

 O vindeiro 25 de Novembro, ás 19:30 horas, o Salón de Actos da Casa da Cultura do Concello de Verín acollerá a conferencia “Vida despois da morte: as 10 mejores evidencias” do xornalista e escritor galego Miguel Pedrero, autor de preto de vinte libros, a súa última obra é "La verdad prohibida. Cómo los amos del mundo manipulan nuestras mentes para que no descubramos la auténtica realidad" (Ediciones Cydonia), 2021.

 O sábado 20 de novembro, o Concello de Verín colabora na organización dun roteiro interpretativo polo río Támega cuxa finalidade será concienciar e mobilizar á cidadanía para manter os espazos naturais libres de lixo. A mesma está enmarcada dentro do “Proxecto Libera: 1m² contra a Basuraleza” promovido por Ecoembes, a organización ambiental sen ánimo de lucro; SE/ BirdLife, a ONG ambiental decana de España e centrada na defensa das aves e os seus espazos naturais; e por Cabreiroá, a través da súa iniciativa “Origen”.

 Tras un parón obrigado provocado pola Covid-19, a Biblioteca Municipal de Verín retoma en xaneiro as que serán as IV Xornadas de Novela Negra. Baixo o título “Personaxes de novela”,  nesta nova edición combinarase o mundo de ficción novelesca coa realidade a través das experiencias de personaxes reais que, a súa vez, teñen un importante papel nas novelas deste xénero literario.