Concello de Verín

A VII edición do FIC Vía XIV de Verín desenvolverase na vila do Támega entre os vindeiros 31 de agosto e 04 de setembro de 2022. “Deste xeito, dase continuidade a unha iniciativa cultural perfectamente incardinada xa, logo de tantas edicións, na axenda de ocio e lecer de Verín”, destaca o director do certame, Carlos Montero.

O Concello de Verín  vén de rematar as accións de limpeza do tramo urbano do leito do río Támega ao seu paso pola vila, concretamente nas zonas situadas entre a ponte de Verín e Pazos.

O Salón de Plenos do Concello de Verín acolleu esta mañá unha sesión ordinaria na que se abordaron os seguintes puntos:

Aprobación da acta da sesión ordinaria de data 11/11/2021.

Expediente 3553/2021. Aprobación definitiva expte modificación créditos num.10/2021, expte. Recoñecemento extraxudicial créditos, suplementos crédito o créditos extraordinarios, con cargo a remanente liquido tesoureira, regularizar saldo 413 año 2.020, importe 119.102,01 euros.

Expediente 3949/2021. operacións de crédito. adxudicación da operación de crédito a curto prazo 1/2.021, operación de tesoureira, por importe de 2.600.000,00 euros.

Expediente 4348/2021. imposición e ordenación de tributos. Aprobación provisional modificación ordenanza fiscal reguladora da taxa pola prestación servizo público rede xeral municipal de sumidoiros e saneamento, en base á solicitude efectuada pola empresa concesionaria espina y delfín, para actualizar tarifas á suba IPC.

Expediente 4340/2021. imposición e ordenación de tributos. Aprobación provisional modificación ordenanza fiscal reguladora taxa polo servizo de abastecemento e distribución domiciliaria de auga potable, en base á solicitude empresa concesionaria espina y delfín, para adecuación prezos á suba ipc..

Informacións e outros asuntos da presidencia.

Dar conta dos decretos ditados pola alcaldía e polas distintas concellarías delegadas, en materia de administración local, dende o 06/11/2021 até o 09/12/2021, ambas as dúas datas incluídas

 Esta mañá, o concelleiro da área de Transporte, Feiras e Hostalería,  Manuel Lorenzo, e a concelleira de Educación Cultura e Festexos, Emilia Somoza, realizaron un balance “positivo” dos resultados da Feira de Nadal de Verín celebrada entre os días 4 e 8 de decembro na Praza García Barbón. Baseándonos no cuestionario realizado polo Concello de Verín aos expositores participantes, o resultado é que o 80 por cento dos stands enquisados dan un aprobado ás vendas e o 90 por cento dos mesmos volverían a participar no evento.

 Mencións tan salientables como a da revista National Geographic, nominacións para premios de divulgación como a do Instituto Galego do Viño (INGAVI) ou a atención do Consello de Europa, que a semana pasada avaliou as súas instalacións de cara a incluílas nos seus Itinerarios Culturais Europeos, son o extraordinario balance dos catro anos de vida do Museo do Claustro Mercedario de Verín. O centro, nacido da colaboración do Concello de Verín coa Orde da Mercede, pretende divulgar a identidade histórica de Verín mediante as máis modernas técnicas de Interpretación Patrimonial.