Concello de Verín

A Aula Multimedia do Concello de Verín acolle o vindeiro luns 9 de marzo, desde as 18 ás 20 horas, a realización do obradoiro Portal 060, a única web que ofrece aos usuarios a posibilidade de acceder aos servizos da Administración Pública de tres formas distintas: segundo o perfil de usuario, en función de diferentes áreas temáticas para cidadáns ou empresas e atendendo a feitos vitais.

Con motivo do centenario da defunción de D. José García Barbón, o sábado día 7 de marzo ás 20.20 horas o Concello de Verín ofrecerá unha ofrenda floral ao finado no monumento situado na praza García Barbón. No acto, para o que se convoca a todo a veciñanza, participarán a Banda de Gaitas do Concello de Verín e familiares do que foi o máis grande benfeitor do municipio. Ademais, con motivo do centenario celebrarase na igrexa parroquial de Verín un oficio relixioso in memoriam ás 19.30 horas no que participará o coro do Centro de Servizos Sociais de Verín.

A celebración do Día de Piñata, o pasado sábado 28 de febreiro, puxo o broche final ao Entroido 2009. Durante o acto tivo lugar unha cea nun restaurante da vila, o reparto de 33 placas conmemorativas para premiar a participación de comparsas e carrozas, e a entrega dos seguintes galardóns -por parte de Juan Manuel Jiménez Morán, alcalde de Verín, Víctor Manuel Baladrón Lamas, concelleiro de Festexos, e os membros da Comisión-:

- Cigarrón de Honra: José Ramón Cardoso
- Mención Especial: Elena Rodríguez Barreira, a raíña do Entroido
- A mellor comparsa: Antoxo

- A mellor carroza: Prehistoricos.com
- O “Pescadilla”: María Lourdes Fidalgo Pérez

Seminario temático: “As conurbacións transfronteirizas: potenciación da gobernanza interna”

O vindeiro 12 de marzo terá lugar no Auditorio do Centro Cultural de Chaves o primeiro seminario temático do proxecto “URBACT: EGTC”. Este proxecto, enmarcado no programa europeo URBACT e encabezado pola MOT (Misión Operacional Transfronteiriza), pon en rede a varias aglomeracións transfronterizas de Europa e pretende realizar intercambios e traballos sobre o desenvolvemento das súas ferramentas de goberno transfronteirizo local.