Concello de Verín

A fronteira hispano portuguesa, coñecida popularmente como “a raia”, terá unha soa voz diante das autoridades de España e Portugal coa creación, o vindeiro martes, 23 de xuño, da Rede Ibérica de Entidades Transfronteirizas que se constitúe en Cáceres coa participación das dezaseis entidades transfronteirizas existentes a ambos lados da fronteira. Delas, cinco están situadas en Galicia e o Norte de Portugal.

O Concurso de Narrativa organizado pola Biblioteca Pública Municipal de Verín, co fin de fomentar a escritura e os valores culturais e deportivos entre os/as nenos/as da comarca, amplía o prazo de entrega dos traballos ata o próximo 3 de xullo ás 12 horas.

O próximo sábado 20 de xuño, a partir das 20.30 horas, a Igrexa dos Padres Mercedarios acollerá o XVI Festival Internacional de Corais de Verín.

O Concello de Verín organiza o próximo 20 de xuño, a partir 16.30 horas, a III Xornada de Deporte e Saúde. Esta actividade, financiada pola Deputación Provincial de Ourense e enmarcada dentro de Concellos Saudables, busca inculcar aos/ás veciños/as da comarca de Monterrei a importancia do exercicio físico para mellorar a saúde pública, potenciar os hábitos deportivos e reunir a todas as asociacións de mulleres rurais da provincia.

Desde o 12 ao 27 de xuño, a Casa do Escudo de Verín acolle a exposición Visións, de Ángel Sotelo Seguín.