Concello de Verín

A biblioteca municipal de Verín ven de recibir o premio María Moliner de proxectos de animación á lectura en concellos de menos de 50.000 habitantes. O proxecto “Voluntariado Cultural: Rapaces/as que prestan o seu tempo para fomentar a lectura” conseguiu unha das 10 puntuacións máis altas de todo o país nos galardóns, organizados polo Ministerio de Cultura e Deporte e a Federación Española de Municipios e Provincias (FEMP).

 Este Xoves 21 na Praia Fluvial poderedes gozar dunha tarde de exercicios e fitness ao aire libre. A sesión será ás 20:30 e gratuíta, só precisades de vos apuntar en masdeporte.laregion.es

Da man do xornal La Región, a monitora de fitness Paula Cao achegarase ata Verín para acompañarnos nunha sesión de exercicio físico á beira do Támega.

 A presidenta do C.R.D.O. Monterrei, Lara Da Silva, e o alcalde de Verín, Gerardo Seoane, asinaron esta mañá un convenio de colaboración entre as dúas entidades destinado á organización da próxima edición da Feira do Viño de Monterrei, que terá lugar entre o 12 e 14 de agosto.

 O vindeiro martes día 19 de xullo, un total de 46 nenos e nenas do Campamento Urbano e da Ludoteca do Concello de Verín, viaxarán a Vila Real -acompañados de catro monitores- para pasar una divertida xornada no parque acuático Naturwaterpark, o primeiro totalmente ecolóxico de Portugal.

 Un documental de aproximadamente 25 minutos de duración dirixido e guionizado hai máis de tres décadas polo xornalista e historiador galego Manolo Torrente poderá verse, no marco das actividades paralelas, na vindeira edición do FIC Vía XIV de Verín. Trátase de Mauthausen, regreso ao campo da morte, que conta a historia de dous galegos que conseguiron saír con vida do horror daquel campo de concentración: Enrique Doval, natural de Lugo, e Xaquín Balboa, procedente de Estevesiños.