Concello de Verín

A biblioteca municipal organiza de novo a campaña Os Venres Son de Conto tras o éxito do ano pasado. Contaremos cunha unha serie de contacontos e outras actividades lúdicas na rúa dirixidas aos máis pequenos. Serán ás 20:00 horas en Irmáns la Salle e visitarannos coñecidos músicos e animadores infantís.

 O vindeiro sábado 6 de agosto, ás 21:00 horas, a Praza García Barbón de Verín acollerá a actuación do coro Encaixe, unha proposta musical diferente, novidosa e divertida nacida das inquietudes e gustos musicais e artísticos de todos os artistas que compoñen esta formación vocal.

O Festival Mundial de Maxia Galicia Ilusiona, chega as Piscinas descubertas de Verín o xoves día 4 de agosto, ás 18:00 horas, onde Dani García, ilusionista galego, fará un espectáculo que non deixará a ninguén indiferente.

A área de Deportes do Concello de Verín  informa que xa está aberto o prazo de inscrición para as disciplinas de  Fútbol e Fútbol Sala impartidas nas Escolas Deportivas Municipais do Complexo Deportivo da Granxa.

O prazo de solicitudes estará aberto ata o 20 de agosto. A lista de admitidos confeccionarase por rigorosa orde de presentación das solicitudes. Para a prestación do servizo de cada unha das modalidades deportivas ofertadas será necesario que a porcentaxe de rexistrados na actividade consiga o mínimo pertinente considerado pola organización.