Concello de Verín

O servizo de Deportes do Concello de Verín, xunto co Consello de Deportes de Ourense, promove a participación de menores verinenses na Carreira Pedestre Popular do San Martiño, que terá lugar o vindeiro 17 de novembro.

A Dirección Xeral de Xuventude e Voluntariado da Consellería de Traballo e Benestar da Xunta de Galicia realizará os días 20 e 21 de novembro, na sede da Eurocidade Chaves-Verín, unhas xornadas formativas para apoiar aos mozos e mozas na xestión de proxectos que queiran emprender. Preténdese que estas xornadas sexan un punto de encontro empresarial que englobe as últimas tendencias aplicables a tódalas áreas da empresa, para aportar claves sobre as novas técnicas que afronten con éxito a xestión empresarial, facendo fincapé nos emprendedores e naqueles mozos/as que desexen dar continuidade as empresas familiares mediante o relevo xeracional  e lles falten as ferramentas necesaria para elo.

Ata mañá venres 08 de novembro estará aberto o prazo de inscrición para matricularse no  encontro 'Punto Verde. Unha idea, un proxecto, un plan de negocio verde (do pano da mesa ao plan de negocio)', organizado os días 14 e 15 de novembro pola Fundación Galicia Europa, en colaboración co IPDJ e a CEG e o apoio do Gabinete Técnico da Eurocidade.

A Casa da Cultura de Verín acollerá nas vindeiras semanas as representacións do 'IV Festival de Teatro Entreculturas da Eurocidade', no que participarán grupos e compañías de teatro amateur de Galicia e Tras-Os-Montes.

O festival, promovido pola Eurocidade Chaves-Verín dentro do seu programa de actividades de fomento da cultura transfronteiriza, conta coa organización da Asociación para la Cultura y el Ocio La Caja de Pandora de Verín. O mesmo ten por obxecto de  fomentar a colaboración conxunta entre os municipios na organización de actividades común, destinadas a promover a participación e intercambio de espectáculos nos dous territorios, mobilizar aos/ás cidadáns/nas dos dous lados da fronteira, fomentando un sentimento de eurocidadanía, de pertenza a un único territorio máis tamén de cooperación territorial transfronteiriza mediante o aproveitamento conxunto de equipamentos e xestión equilibrada de recursos, evitando a duplicidade de equipamentos e custos.

O presidente da Xunta de Galicia, Alberto Núñez Feijóo, asistiu esta mañá ao acto de sinatura dun convenio entre o Concello de Verín, Deputación de Ourense e Xunta de Galicia (Consellería de Medio Ambiente, Territorio e Infraestruturas, Consellería de Cultura, Educación e Ordenación Universitaria e Axencia de Turismo de Galicia) para a construción do Centro Cultural das Artes de Verín.