Concello de Verín

Desde o Punto de Información e Asesoramento Educativo Municipal do servizo municipal de Educación Familiar infórmase da publicación da resolución do 6 de novembro de 2013, da Dirección Xeral de Emprego e Formación, pola que se realiza a convocatoria pública do procedemento de recoñecemento das competencias profesionais adquiridas a través da experiencia laboral, na Comunidade Autónoma de Galicia, en determinadas unidades de competencia do Catálogo nacional de cualificacións profesionais.

O complexo deportivo de A Granxa acolleu a presentación oficial das EDC de Verín, para a tempada 2013-2014. Na mesma participaron os/as nenos/as pertencentes ás disciplinas competitivas EDC Concello de Verín (fútbol 11, fútbol 8, fútbol-sala, atletismo e natación). Durante a presentación tamén recibiron un exemplar do álbum de cromos editado polo Concello de Verín e AEVER-CCU Verín, e presentouse a mascota oficial das EDC de Verín: Supergotiña.

A Casa da Cultura de Verín acolle durante estas semanas as representacións do 'IV Festival de Teatro Entreculturas da Eurocidade', no que participarán grupos e compañías de teatro amateur de Galicia e Tras-Os-Montes. Todas as imaxes en https://www.facebook.com/media/set/?set=a.636651373053016.1073741939.217939911590833&type=1

O conselleiro de Medio Ambiente, Territorio e Infraestruturas, Agustín Hernández, visitou hoxe a primeira fase das obras de ampliación do parque empresarial de Pazos na localidade ourensá de Verín, acompañado polos alcaldes de Verín e Monterrei, Juan Manuel Jiménez e José Luís Suárez, respectivamente; e o delegado Territorial da Xunta de Galicia en Ourense, Rogelio Martínez.

O Fondo Galego de Cooperación e Solidariedade cofinanciará con 76.810 euros tres proxectos de ONGD galegas en Mozambique, El Salvador e Cuba. A Asemblea xeral de socios celebrada esta mañá en Santiago de Compostela aprobou as propostas presentadas por Ecos do Sur, Agareso e Asemblea de Cooperación pola Paz para desenvolver áreas como a educación ou a prevención de riscos en países empobrecidos. As dúas deputacións e os 90 concellos socios do Fondo Galego estaban chamados a participar na xuntanza, celebrada na sede da Fegamp, onde tamén se presentou o novo Plan de Comunicación Online da entidade.