Concello de Verín

A Casa da Cultura de Verín acollerá o sábado 23 de novembro, ás 19 horas, o tradicional concerto de Santa Icía do alumnado do Conservatorio Elemental de Música de Verín.

A Dirección Xeral de Xuventude e Voluntariado da Consellería de Traballo e Benestar da Xunta de Galicia convoca o 'Curso de recursos turísticos II' que se realizará na Oficina transfronteiriza de información xuvenil da Eurocidade Chaves- Verín,  contando coa colaboración de entidades que apoian unha nova liña de actuación de promoción do espírito emprendedor da xuventude, e que programan actividades dirixidas aos mozos e mozas que precisan dunha formación adicional para emprender unha actividade.

A sección de atletismo das Escolas Deportivas do Concello de Verín participou, este pasado domingo,  na Carreira Pedestre Popular do San Martiño, no que foi a segunda proba oficial para estes menores.

O Fondo Galego de Cooperación e Solidariedade vén de doar 10.000 euros ao Alto Comisionado das Nacións Unidas para os Refuxiados (Acnur) para axudar a poboación afectada polo tifón Haiyán en Filipinas. A axencia das Nacións Unidas está prestando asistencia humanitaria en terreo ás e aos superviventes do devastador ciclón que o 9 de novembro arrasou a rexión central do país.

O vindeiro venres 22 de novembro, de 18 a 19.30 horas, a Biblioteca Pública Municipal de Verín programa a iniciativa 'O Bosque dos Contos' no marco da programación de actividades destinadas ao fomento da lectura e dinamización da instalación municipal.