Concello de Verín

Desde o departamento de Desenvolvemento Local do Concello de Verín infórmase da publicación da resolución do 5 de decembro de 2014, da Secretaría Xeral da Igualdade, pola que se resolven as solicitudes de axudas do programa Emega para fomentar o emprendemento feminino, convocadas pola Resolución do 8 de agosto de 2014, cofinanciadas polo Fondo Social Europeo no marco do programa operativo FSE Galicia 2007-2013, procedemento SI429A. Toda a información no seguinte enlace.

Desde o departamento de Desenvolvemento Local do Concello de Verín infórmase da posta en funcionamento do programa 'Centro de excelencia en xestión da internacionalización das pemes galegas'. Toda a información no seguinte enlace.

O vindeiro venres 12 de decembro, de 18 a 19.30 horas, a Biblioteca Pública Municipal de Verín programa a iniciativa 'Contos de Papá Noel', no marco da programación de actividades destinadas ao fomento da lectura e dinamización da instalación municipal.

O fotoxornalista Felipe Carnotto vén de gañar a segunda edición do concurso de fotografía ‘Imaxes con Fondo’, convocado polo Fondo Galego de Cooperación e Solidariedade. Unha instantánea sobre a pesca artesanal, acompañada dun ‘tweet’ en defensa desta actividade sostible, mereceulle ao autor de orixe brasileira afincado en Vigo unha viaxe a Nicaragua para realizar un traballo fotográfico sobre os proxectos apoiados pola entidade organizadora. A moza vilagarciá María Goretti Dorgambide venceu na categoría xuvenil cunha imaxe a prol da solidariedade, pola que obtén unha cámara réflex.

O alcalde de Verín, Juan Manuel Jiménez Morán, amosou o seu gran malestar polo último acto vandálico que sucedeu na madrugada de onte na localidade, na que se queimou o novo parque infantil que se está a construír nas inmediacións da Piscina Climatizada de Verín.