Concello de Verín

O Pavillón Municipal dos Deportes de Verín acollerá o vindeiro sábado 20 de decembro, a partir das 20 horas, a gala do IV aniversario de Candaira, na que se interpretarán cantos, músicas e danzas tradicionais das comarcas de Verín, A Limia e Conso-Frieiras ao vivo co obxecto de conmemorar os catro anos de vida da Asociación Cultural Candaira.

O Concello de Verín e a Agrupación Europea de Cooperación Territorial Eurocidade Chaves-Verín participaron onte na sesión constitutiva do Consello Termal Ourensán celebrado en Laias.

O acto de constitución foi presidido polo presidente da Deputación de Ourense, José Manuel Baltar, o delegado do Goberno en Galicia, Santiago Villanueva, e a directora da Axencia de Turismo de Galicia, Nava Castro. No mesmo reuniron a todo o sector vinculado ao termalismo da provincia, municipios termais, asociacións e empresarios co obxecto de poñer en funcionamento o Plan Termal provincial.

Por problemas na base de datos do servidor de Cidades Dixitais/Biblitoteca de Verín, o servizo dos Recortes de Xornais ofrécese no seguinte formato.

A Biblioteca Pública Municipal de Verín acollerá o venres 19 de decembro, de 18 a 18.45 horas, a iniciativa 'Superhéroes' de Sarabela Teatro, no marco da programación de actividades destinadas ao fomento da lectura e dinamización da instalación municipal.

O director xeral da Escola de Organización Industrial do Ministerio de Industria, Enerxía e Turismo (EOI), Fernando Bayón Mariné, xunto co director da Agrupación Europea de Cooperación Territorial Eurocidade Chaves-Verín e alcalde de Verín, Juan Manuel Jiménez, presentaron esta mañá o programa Innovatur 'Chaves-Verín Smart Destination', destinado a favorecer a implantacion e desenvolvemento de iniciativas de innovación nas PEMES do sector turístico para lograr un impulso na competitividade das empresas.