Concello de Verín

O Concello de Verín organiza, por noveno ano consecutivo, as Xornadas de Deporte e Saúde no municipio destinadas a desenvolver políticas activas para mellorar a calidade de vida dos veciños e veciñas, promovendo a saúde a través dunha alimentación saudable e a práctica de actividade física regular.

Un total de 150 persoas formaron parte da terceira edición da 'Andaina Solidaria e Paseo Fotográfico en Familia' , que tivo lugar o pasado sábado co obxecto de recadar fondos para axudar na construción de pozos de auga en diferentes localidades de Níxer.

O vindeiro venres 05 de xuño, de 18 a 19.30 horas, a Biblioteca Pública Municipal de Verín programa a iniciativa ‘O ladrón de plumas’, no marco da programación de actividades destinadas ao fomento da lectura e dinamización da instalación municipal.

Coa chegada do verán aumenta o risco de incendios forestais no noso Concello considerado como un dos concellos de "alto risco". É de máximo interese para todos os veciños de Verín que as fincas, montes e soares existentes no Concello se atopen nun axeitado estado de limpeza e coa masa vexetal desbrozada. Se ben este é un deber que teñen os propietarios de terreos durante todo o ano, nestas datas cobra unha especial relevancia perante o risco de incendios.

Aos residentes nas rúas Amaro Refoxo, Cruz e treito dende a praza Maior á rúa Maior (até a Igrexa Parroquial), na medida do posible, se absteñan de utilizar o vehículo polas referidas rúas, dende as 22:00 horas do 6 de xuño até as 14:00 horas do día 7; todo isto con motivo da celebración da festa do Corpus e alfombrar con flores as devanditas rúas para esta festividade relixiosa.