Concello de Verín

Dende a Área de maiores dos Servizos Sociais Comunitarios de Verín, e dentro do programa “Maior oportunidade”, ponse en marcha o obradoiro “Move a túa atención”. A actividade está destinada a persoas de máis de 45 anos que queren previr o deterioro das funcións cognitivas. O obradoiro comezará unha vez se inscriba un grupo dun mínimo de 8 – 10 persoas.

O domingo 5 de xullo, ás 9:00 da mañá, celebrarase a VII edición do Día da Bici Solidaria. O paseo, organizado pola Asemblea Comarcal de Cruz Vermella Monterrei en colaboración co Concello de Verín e o Club BTT Verín, sairá da Praza da Merdeced e consistirá nun percorrido en bicicleta de carácter familiar e de escasa dificultade, cun itinerario aproximado de 14 Km para facilitar a participación de nenos/as e maiores.

O mércores 1 de xullo, as 17:00 horas, a Biblioteca Pública Municipal de Verín pon en funcionamento, por sétimo ano consecutivo, o servizo da Bibliopiscina nas piscinas descubertas de A Granxa.

Visto o Convenio entre a Consellería do Medio Rural e do Mar da Xunta de Galicia e o Concello de Verín para a participación na prevención e defensa contra incendios ofértanse as seguintes prazas:

• DOUS PEÓNS CONDUCTORES
• DOUS XEFES DE BRIGADA
• SEIS PEÓNS

Bases para a contratación de 4 prazas de monitor deportivo