Concello de Verín

O venres 14 de agosto, a partir das 23:00 horas, a praza García Barbón de Verín acolle un concerto no que Roi Casal presenta o seu último disco, Donos do noso destino. O acto está patrocinado e organizado polo Concello de Verín e insírese no programas das Festas da Patroa de Verín, Santa María “A maior”. 

O sábado día 15 de agosto, ás 22:30 horas, A praza García Barbón acollerá un festival das XXXII Xornadas do Folclore, no que participarán grupos de Taiwán, Brasil e Rusia. O acto está promovido pola Deputación Provincial de Ourense, coa patrocinio da Consellería de Cultura, Educación e Ordenación Universitaria e a colaboración do Concello de Verín.

O vindeiro sábado 15, ás 18:00 horas, celebrarase nas piscinas Municipais da Granxa de Verín o espectáculo Estamos no Verán. Nesta actuación, enfocada principalmente a nenos/as de 6 a 12 anos, os/as rapaces están convidados a cantar e bailar mentres gozan do espectáculo. O acto enmárcase na programación verinense de Camiños da Cultura 2015, que organizan e patrocinan o Concello de Verín e a Consellería de Cultura, Educación e Ordenación Universitaria.

A X edición da Feira do Viño da Denominación de Orixe Monterrei superou un ano máis todas as previsións cun incremento dun 41% no número de degustacións servidas.

Esta edición xa era especial polo gran número de adegas participantes xa que 16 adegas das 24 que conforman a D.O. Monterrei, seis máis das que tomaron parte en 2014, contaron cun posto dende o que promoveron os seus viños. Un éxito de adhesión sen precedentes na historia deste foro vinícola organizado conxuntamente polo Concello de Verín e o Conselo Regulador da Denominación de Orixe Monterrei.

A X edición da Feira do Viño da Denominación de Orixe Monterrei arrincou esta tarde cun acto de inauguración presidido polo xefe do Goberno galego, Alberto Núñez Feijóo e no que participaron o alcalde de Verín, Gerardo Seoane, e a presidenta da D.O Monterrei, Asunción Rodríguez, entre outras autoridades. No decurso da inauguración, a presidenta da Denominación de Orixe agradeceu a todos os bodegueiros participantes o feito de ter sido quen de “eliminar diferenzas e sumar esforzos para facer deste foro unha verdadeira mostra representativa do sector do viño na comarca”.