Concello de Verín

O alcalde de Verín, Gerardo Seoane, acompañado do Tenente de Alcalde, Diego Lourenzo; a concelleira de Turismo do Concello, Puri Caldelas, e a de Cultura, Emilia Somoza, recibiron hoxe, na casa consistorial, a presidenta da Denominación de Orixe Monterrei, Asunción Rodríguez, acompañada de técnicos da entidade. Na reunión sentáronse as bases de colaboración entre ambas as dúas entidades de cara á próxima celebración da X Edición da Feira do Viño que, finalmente, se celebrará durante o fin de semana do 7 ao 9 de agosto.

O próximo 12 de xullo, as 9:00 horas, se celebrará a VI volta cicloturista “O Val do Támega”. organizada polo Club Ciclista Verín, coa colaboración do Concello de Verín.

Esta proba, con saída ás 09.00 horas do Pavillón de A Granxa , terá un percorrido, considerado de nivel medio-alto, de 104 quilómetros e unha duración estimada de 4 horas 15 minutos. A volta cicloturista pasará por Verín, Arcucelos, Laza, Alto da Alberguería, Vilar de Barrio, Sarreaus, Viladerrei, Alto das Estivadas e finalizará no Castelo de Monterrei.

O proxecto de cooperación transfronteriza entre Chaves e Verín é un dos 5 finalistas confirmados aos premios Regio Stars 2015 na categoría CityStars, unha iniciativa organizada pola Comisión Europea desde o 2008 que distingue os proxectos mais innovadoras e inspiradores de Europa financiados polos fondos da política de cohesión da UE.

Hoxe e mañá e do 09 ao 11 de xullo, celébrase o primeira andaina gastronómica de Verín organizada pola Asociación de Hostaleiros da Comarca de Monterrei (AEHCOM) e coa colaboración do Concello de Verín, Plan de Competitividade Turística Puertas de Galicia e a Cámara de Comercio e Industria de Ourense.

Os participantes poderán degustar o pincho de cada un dos 15 establecementos que participan nesta iniciativa por só 1,5 euros.

O próximo sábado 4 de xullo, as 17:00 horas, impartirase na 'Zona Zero', situada na Casa da Xuventude de Verín, o “Obradoiro de Robótica, Impresora 3D e sácallle partido a tua Wii”.

O proxecto de dinamización xuvenil e infantil "zona zero", trátase dun espazo lúdico de encontro, debate, investigación e coñecemento da tecnoloxía. A través da realización de actividades e obradoiros de carácter social e tecnolóxico, os rapaces e rapazas poderán coñecerse, unir, socializar e potenciar as súas habilidades sociais; ademais de dispor un espazo de lecer onde divertirse e relacionarse cos/coas seus/súas iguais.