Concello de Verín

O Pavillón Municipal de Deportes acolleu, na tarde de onte, a festa de clausura das Escolas Deportivas Municipais 2014-2015, na que participaron o alcalde Juan Manuel Jiménez e o concelleiro de Deportes Víctor Baladrón. Todas as imaxes no Facebook do Concello de Verín.

Co obxecto de mellorar a xestión dos recursos hídricos do corredor do Támega e revalorizar o mesmo como fío de conexión do territorio, dentro do proxecto “Valtámega - Valorización do Corredor Ambiental do río Támega” levarase a cabo a rehabilitación do parque de Tamaguelos

O vindeiro 16 de xuño, os programas 'Kero-Kolo' e 'Kero-Kedar' vivirán a súa festa de fin de curso, para clausurar a terceira e segunda edición respectivamente dos mesmos, coa realización de actividades lúdicas e deportivas para os/as pequenos/as e os seus proxenitores.

A AECT Eurocidade Chaves-Verín, a través das súas redes de cooperación España-Portugal RIET, e o Eixo Atlántico conxuntamente coa Organización de Consumidores e Usuarios de España e a Asociación Portuguesa para a Defensa do Consumidor, lanzan unha campaña a nivel europeo de recollida de firmas dixitais en apoio á posición do Parlamento Europeo respecto á eliminación do roaming telefónico a partir de decembro de 2015.

O complexo deportivo de A Granxa acolleu o VI Torneo Internacional de Fútbol 8 'Vila de Verín', ao que asistiron máis de 3.000 persoas que presenciaron unha competición que contou con trinta e sete equipos de Galicia e norte de Portugal (categorías prebenxamín, benxamín e alevín).