Concello de Verín

O vindeiro venres 7 de agosto, ás 19:30 horas, O antropólogo Rafael Quintía  presentará a sua obra "Uso simbólico do cuarzo na cultura Galega” na Biblioteca Pública Municipal do Concello de Verín. Con esta obra, o autor achéganos ao mundo simbólico do uso do seixo en Galicia. Un percorrido diacrónico dende as diferentes formas nas que aparece o seixo no rexistro arqueolóxico galego, centrándonos sobre todo no seu aspecto simbólico e no seu posible uso ritual, ata o mundo da antropoloxía e das aplicacións deste mineral en diferentes contextos da cultura popular galega.

Maña venres 31 de xullo, as 11:00 horas, a Oficina Municipal de Información Xuvenil do Concello de Verín, organiza o desfile da Ludobatucada. Este ano, ademais dos nenos/as da ludoteca, tamén colaborarán os/as menores do CDR Portas Abertas e os/as do Centro de Día da Cruz Vermella, contando así con máis de 200 participantes.

Esta mañá compareceron ante os medios de comunicación o tenente de alcalde do Concello de Verín, Diego Lourenzo Moura e o representante da CIG, Anxo García Torres, para informar sobre o pleno extraordinario e o acto de homenaxe que se celebrarán o xoves 6 de agosto, nos que se lle outorgan distincións aos fusilados o día 17 Xuño de 1937, en representación de todas as vítimas do réxime franquista

Dende a Área de Tráfico, Seguridade Cidadá e Protección Civil do Concello de Verín, de acordo con Protección Civil e a Policía Local, elaborouse un plan de autoprotección para esta edición da Batucada que se celebrará os días 31 de xullo e 1 de agosto. Este plan contén todos os protocolos de actuación a seguir polos diferentes equipos de emerxencia que traballan neste evento preparados para actuar ante calquera incidencia.

Este pasado 23 e 24 de Xullo, organizado polo Concello de Verín a través da área de maiores dos Servizos Sociais Comunitarios – Programa "envellece conmigo" - a Oficina de Información Xuvenil, C.D.R. Portas Abertas e Cruz Vermella, tivo lugar, no salón de actos da Casa da Cultura, a celebración do día dos Avós, xornada festiva donde maiores e nenos disfrutaron de actividades variadas.