Concello de Verín

Maña xoves 1 de outubro, as 16:00 horas, comeza, dentro da iniciativa Escola de Familia, o Club da Calceta 'Tecendo Soños'. Esta iniciativa está destinada a converterse nun lugar de encontro entre as persoas interesadas en compartir a arte de tecer e outras artes (ganchillo, decoración de tellas, alfombras, lectura, etc.). Nesta ocasión daralles a benvida a tódalas participantes José Luis Martín, Concelleiro da Área de Sanidade, Servizos Sociais e Igualdade.

Durante todo o mes de outubro a Biblioteca Municipal de Verín celebrará o día Internacional da Biblioteca (24 de outubro) cun completo ciclo de actividades de contacontos, manualidades, talleres, conferencias e presentacións de libros.

A Casa da Cultura de Verín acollerá, nos meses de outubro e novembro, as representacións do 'VI Festival de Teatro Entreculturas” no que participarán grupos e compañías de teatro amateur de Galicia e Portugal.

Desde o departamento de Desenvolvemento Local do Concello de Verín infórmase da publicación da ORDE do 16 de setembro de 2015 pola que se aproban as bases e se procede á convocatoria de axudas para o inicio de estudos universitarios no curso 2015/16 nas universidades do Sistema universitario de Galicia. Toda a información no seguinte ENLACE

O salón de plenos do Concello de Verín acolleu esta mañá unha sesión extraordinaria urxente na que se abordaron os seguintes puntos:

1.- Ratificación da urxencia da convocatoria.

2.- Aprobación, se procede, do borrador da acta de sesión ordinaria de data 07.09.2015 (Acta nº 10/2015).

3. – Operación de crédito a curto prazo 1/2015: Anticipo de tesourería.