Concello de Verín

O vindeiro venres 22 de xaneiro, de 17:00 a 18.30 horas, a Biblioteca Pública Municipal de Verín organiza a iniciativa “O tigre que perdeu as raias”, no marco da programación de actividades destinadas ao fomento da lectura e dinamización da instalación municipal.

Dende hoxe a maña, o Concello de Verín abre o público a súa tenda oficial do Entroido situada na Praza García Barbón. Esta iniciativa ten como obxectivo recadar fondos para financiar esta festa, declarada de Interese Turístico Nacional no ano 2009.

O director xeral de Emerxencias e Interior, Luis Menor, fixo entrega esta mañá a concelleira de Tráfico, Seguridade Cidadá e Protección Civil, Cándida Couñago, de un remolque con material de intervención de emerxencias destinado a Agrupación de voluntarios de Protección Civil do Concello de Verín.

Esta mañá, os concelleiros de Turismo (Purificación Caldelas),  Medio Ambiente (Elías Taboada), Seguridade Cidadá e Protección Civil (Cándida Couñago) e Servizos Públicos (Xulio Viéitez) acudiron á Praza García Barbón, xunto co xestor da empresa  SANIOR (Sanitarios portátiles ecolóxicos), para decidir a localización dos 12 sanitarios, entre os que se inclúe un para persoas con mobilidade reducida, que se instalarán na próxima edición do entroido de Verín.