Concello de Verín

O vindeiro mércores 24, ás 19:30 horas, o salón de actos da Casa da Cultura de Verín acollerá  unha conferencia, de carácter gratuíto, sobre “El Fracaso escolar y como ayudar a nuestros hijos a estudiar” impartida e organizada pola psicóloga María Isabel Torres López coa colaboración do Concello de Verín.

O vindeiro venres 26 de febreiro, ás 17:00 horas, a Biblioteca Pública Municipal de Verín organiza a iniciativa "Caixas de Cartón", no marco da programación de actividades destinadas ao fomento da lectura e dinamización da instalación municipal.

A agrupación Europea de cooperación territorial (AECT) Eurocidade Chaves-Verín adquiriu o martes 16 de febreiro a condición de membro do Eixo Atlántico en substitución do municipios de Chaves e Verín. A decisión foi aprobada na XXIV Asemblea Xeral do Eixo Atlántico celebrada no Europarque, en Santa María dá Feira.

O vindeiro venres 19, ás 19:30 horas, Luís Manuel García Mañá, excomisario xefe de Galicia, presidente da Asociación encargada da difusión histórica do Couto Mixto e actual senador, presentará a súa última obra "Por que as sombras non teñen ollos", ed. Xerais no Salón de Actos da Casa da Cultura de Verín.

A Biblioteca Municipal do Concello de Verín presentou o seu balance anual  no que mantén a súa tendencia á alza respecto de anos anteriores tanto en prestamos e número de socios como nas actividades de fomento de lectura e dinamización que superan nun 115,8% ás programadas no ano anterior.