Concello de Verín

Desde a Concellería de Deportes infórmase que permanece aberto o prazo de inscrición para os cursos deportivos municipais.

O xoves 20 de outubro, as 16:00 horas, comeza, dentro da Escola de Familia Municipal, o Club da Calceta 'Tecendo Soños'. Esta iniciativa está destinada a converterse nun lugar de encontro entre as persoas interesadas en compartir a arte de tecer e outras artes (ganchillo, decoración de tellas, alfombras, lectura, etc.).

O venres 21 de outubro, de 18:00 a 19:30 horas,  a Biblioteca Municipal de Verín celebra de xeito anticipado o “Día da Biblioteca” (24 de outubro).

O vindeiro sábado 22 de outubro terá lugar no Salón de Actos da Casa da Cultura de Verín a segunda xornada temática sobre o Medio Ambiente, en concreto sobre o “Ecosistema do río Támega”. Devanditas xornadas están organizada pola Asociación Cultural Monterrei, Cultura e Territorio, coa colaboración do Concello de Verín.

O Parlamento Europeo, a través do seu presidente Martin Schulz,  concedeu o seu patrocinio (recoñecemento que se concede nun número moi limitado de ocasións e a entidades sen ánimo de lucro) á Biblioteca Municipal de Verín,  grazas ao seu proxecto de voluntariado cultural. Para o Parlamento Europeo, este patrocinio é unha maneira de asociarse a un determinado acto ou proxecto proporcionando o seu apoio moral e ao mesmo tempo a súa imaxe de institución europea.