Concello de Verín

O vindeiro venres 11 de novembro, de 18 a 19.30 horas, a Biblioteca Pública Municipal de Verín programa a iniciativa ‘Contos de Magosto’, no marco da programación de actividades destinadas ao fomento da lectura e dinamización da instalación municipal. A mesma está destinada a un máximo de 20 nenos/as socios/as da instalación, con idades comprendidas entre os 3 e 9 anos.

Desde hoxe ate o día 29 de novembro , a Sala de Exposicións de Verín acolle a mostra fotográfica “Cumpricidades”, exposición colectiva sobre la temática del outono composta por obras dos fotógrafos Lamartine Dias, Humberto Ferreira, Paula Dias, Sergio Crespo, António Souza, João Madureira, Fernando Ribeiro.

Hoxe comeza a 37ª edición da Liga Local de Fútbol Sala de Verín, organizada, por segunda tempada consecutiva, desde a Delegación Ourensá da Federación Galega de F. Sala e patrocinada por Augas de Cabreiroá, dentro dun marco de colaboración a tres bandas entre: a F.G.F.S., Augas de Cabreiroá e o Concello de Verín.

A Biblioteca Pública Municipal do Concello de Verín resultou premiada, por sétimo ano consecutivo, na ‘XVII Campaña de Animación á Lectura María Moliner’, co proxecto ‘Voluntariado cultural para o fomento da lectura’, polo que recibirá un lote bibliográfico composto por 150 libros infantís e xuvenís, seleccionados entre as novidades de cada ano e valorado en, aporoximadamente catro mil euros.

Os mércores  9 e 16  de novembro, a Casa da Cultura do Concello de Verín acollerá o segundo ciclo da programación de Outono de Cinemas de Galicia.