Concello de Verín

A través do FEDER e os fondos estruturais da Unión Europea que xestiona, a Consellería de Medio Ambiente da Xunta de Galicia están a promover o crecemento sustentable dos municipios, para elo ven apoiando a elaboración de estratexias de sustentabilidade ambiental buscando a integración a adaptación ao cambio climático na xestión pública.

Esta mañá tivo lugar a presentación aos medios de comunicación da nova miniserie romántica luso-galega Vidago Palace no hotel que lle dá nome e serve de escenario principal. Así mesmo, confirmouse que o municipio de Verín será localización de varias das escenas da serie. Esta é a primeira coprodución entre a RPT e a Televisión de Galicia, cuxa emisión está prevista  nas dúas canles e cuxos dereitos e transmisión foron preadquiridos por televisións  internacionais como  a RAI (Radiotelevisión Italiana) e TVP (Televisión de Polonia).

Os concelleiros de Cultura e Mocidade, Emilia Somoza e Diego Lourenzo, presentaron a programación da segunda edición da “Noite de Medo” que se levará a cabo o día 31 de outubro para celebrar o Samaín en Verín.

A AECT Chaves Verín presentou os logros obtidos co seu produto turístico transfronteirizo estrela: a  "ruta termal e da auga Verín-Chaves-Vidago e o seu pasaporte de aguista" na Asemblea Xeral da Asociación Europea de Vilas Termais Históricas (EHTTA) celebrada onte  19 de outubro, na histórica cidade termal de Salsomagiore Terme (Italia).  

A Sala de Exposicións de Verín acolle, ate o vindeiro día 5 de novembro a mostra ”Entropía” de pintor colombiano Carlos Santos. Santos, nativo de Cartaxena de Indias e afincado na Coruña, expón por primeira vez  as súas obras en Verín.