Concello de Verín

Dar a coñecer a grave problemática da utilización de menores en conflitos armados é o obxectivo das charlas e a exposición que baixo o título ‘As nenas e nenos soldados’ desenvolve estes días o Concello de Verín como socio do Fondo Galego de Cooperación e Solidariedade. Na actualidade calcúlanse nuns 250.000 os cativos e cativas que son explotados nas guerras de 18 países.

O vindeiro  3 de decembro, ás 18:00 horas, terá lugar no Salón de Actos da Casa da Cultura de Verín de Verín a última xornada temática sobre o Medio Ambiente, en concreto sobre o Pasado, Presente e o Futuro Do Parque Natural Do Invernadoíro. Devandita iniciativa está organizada pola Asociación Cultural Monterrei, Cultura e Territorio, coa colaboración do Concello de Verín.

Mañá mércores 30 de novembro, a Oficina Municipal de Información Xuvenil abre o prazo de inscrición do “Ludonadal”, unha ludoteca destinada a estas datas  e dirixida a nenos/as con idades comprendidas entre os 3 e 13 anos, co obxecto de facilitar a conciliación dos pais e nais e proporcionar aos/ás nenos/as un espazo de lecer durante as vacacións de Nadal. Devandita iniciativa comeza o 22 de decembro e remata o 6 de xaneiro.

O Salón de Plenos do Concello de Verín acolleu hoxe unha nova reunión da Mesa da para a mellora da atención ás vítimas da violencia de xénero, presidida polo Alcalde de Verín, Gerardo Seoane, e cedendo logo a presidencia á Concelleira da Área de Tráfico, Seguridade Cidadá e Protección Civil, Cándida Couñago; así coma ó Concelleiro da Área de Sanidade, Servizos Sociais e Igualdade José Luis Martín, do Concello de Verín.

Esta mañá, o alcalde de Verín, Gerardo Seoane, e a concelleira responsable da área de Protección Civil, Cándida Couñago, fixeron entrega dunhas insignias de prata da Agrupación de Voluntarios de Protección Civil de Verín a cinco dos seus membros.