Concello de Verín

O Festival de Verín contará na súa primeira edición con voluntarios dos graos de Xornalismo e Comunicación Audiovisual da Universidade de Santiago de Compostela.  Estes alumnos realizarán tarefas, de prensa, xestión de redes sociais e produción audiovisual antes e durante o evento.

O Concello de Verín , a través da concelleira de Turismo, Purificación Caldelas, realizou un balance dos resultados da segunda edición da Feira de Outono de Verín que se celebrou, durante os días 19 e 20 de novembro, na Praza Maior. Baseándonos no cuestionario realizado polo Concello de Verín aos expositores participantes, o resultado é que a totalidade dos enquisados (25 dos 27 postos expositores) ,  e pese as inclemencias meteorolóxicas sufridas durante a feira,  dan un aprobado ás vendas e o 90% dos mesmos volvería a participar no evento.

O Concello de Verín ven de comezar a implantar un plan de seguridade vial para os colexios da vila. Mediante acordos cos centros, que recollen as inquedanzas dos pais a alumnos, o Concello aplicará unha batería de medidas destinadas a mellorar a seguridade vial nos periodos de entrada e recollida dos nenos, que  empeza coa instalación dunha barandilla de seguridade na porta do Amaro Refojo, para evitar a saída descontrolada dos menores á Avenida de Laza, que ten a calzada inmediatamente adyacente ó centro.

O Festival Internacional de Curtametraxes Vía XIV de Verín, que abrirá as súas portas o próximo 5 de decembro, contará cunha achega de luxo nesta primeira edición. Un profesional local poñerá o broche de ouro ao certame cunha mostra de arte verinesa de primeiro nivel. O reputado artista plástico Fernando Barreira realizou os trofeos que serán entregados, xunto co premio en metálico ao final do certame, e o deseño artístico da sala principal do auditorio.