Concello de Verín

• O Festival Internacional de Curtametraxes de Verín presenta hoxe pezas con temática de Emigración, Entroido e Fronteira.

• Tamén se estrea a mostra do fotógrafo Carlos Folgoso sobre emigración que se poderá visitar ata o venres. Ademais terá lugar un foro sobre a mesma temática, moderado por Rafael Cid.

• Jorge Godás, deseñador e creativo na TVG, é o responsable do deseño do cartel e da imaxe corporativa, e é membro do equipo directivo do festival.

O festival internacional de curtametraxes Vía XIV de Verín, que abriu as súas portas o 5 de decembro, contou cunha achega de luxo na súa primeira edición. O verinés Jorge Godás, deseñador e creativo na TVG, foi o responsable de deseñar tanto o cartel coma a identidade corporativa do festival.

Ás 21:30 da noite, terá lugar no Auditorio municipal, o acto oficial de inauguración  do Festival Internacional de Curtas de Verín, presentado polo actor verinense Toño  Salgado. 

• O festival contará, na súa primeira edición, cun xurado de primeiro nivel integrado por Jorge Coira, Ledicia Sola, Sandra Pinho, Alberte Branco e Emilia Somoza

O xurado do I Festival Internacional de Curtas de Verín Vía XIV, evento que terá lugar na vila entre os días 5 e 11 de decembro, contará na súa primeira edición cun xurado de primeiro nivel. Estará integrado por Jorge Coira, Ledicia Sola, Sandra Pinho, Alberte Branco e Emilia Somoza. A función deste organismo será avaliar as curtometraxes seleccionadas segundo os criterios e coñecementos que teñen estas relevantes figuras dentro do ámbito audiovisual.

• Os estudantes obterán un diploma de recoñecemento académico con créditos por participar na organización do certame.

O Festival de Verín contará na súa primeira edición con voluntarios dos graos de Xornalismo e Comunicación Audiovisual da Universidade de Santiago de Compostela. Estes alumnos realizarán tarefas, de prensa, xestión de redes sociais e produción audiovisual antes e durante o evento.

En total son 11 os voluntarios que xa están a traballar, sempre tutelados pola dirección do certame, en tarefas de comunicación do Festival e que se desprazarán a Verín durante a semana do 5 ao 11 de decembro, na que se celebra o Vía XIV Festival de Curtos de Verín, para continuar desenvolvendo estas actividades.