Concello de Verín

Esta maña, o Presidente da Cámara de Comercio e Industria de Ourense, Juan Carlos Parada Rúa, e o tenente de alcalde de Verín, Diego Lourenzo Moura, entregaron na casa consistorial os diplomas do Concurso de Escaparates de Nadal de Verín.

Mañá sábado 31 de decembro, a partir das 10:00 horas, os nenos e nenas de Verín poderán despedir o ano celebrando un divertido Cotillón Infantil no Pavillón Municipal de Deportes. Os/as menores gozarán cunha disco móbil con música de Nadal, animación, baile, photocall, e cando cheguen ás 12:00 horas, badaladas para despedir o ano 2016.

O Concello de Verín vén de asinar esta mañá un convenio marco de colaboración con nove asociacións de mulleres rurais de Verín polo que outorga unha subvención de 500 euros, a cada unha delas, polo seu excelente traballo realizado durante o ano 2016 como axentes dinamizadores do medio rural.

O terremoto de 7,8 graos que deixou 673 persoas mortas en Ecuador é unha das principais catástrofes rexistradas no ano que remata. O  Fondo Galego de Cooperación e Solidariedade, do que forma parte o Concello de Verín,  contribuíu a paliar as súas consecuencias cofinanciando a reposición dos sistemas informáticos do Concello de Jama, a segunda cidade máis afectada polo sismo, a pouco máis de 50 km do seu epicentro.

Co fin de continuar coa liña en materia de seguridade e autoprotección en eventos que conten cunha gran afluencia de público asistente, a Concellería  de Seguridade Cidadá, tráfico e Protección Civil do Concello de Verín preparou un dispositivo de seguridade especial para a Cabalgata e Gala dos Reis Magos, que terá lugar o 05 de xaneiro.