Concello de Verín

O Concello de Verín ven de implantar  a primeira fase do seu plan de seguridade vial para os colexios da vila. Mediante acordos cos centros, que recollen as inquedanzas dos pais a alumnos, o Concello aplicou unha batería de medidas destinadas a mellorar a seguridade vial nos periodos de entrada e recollida dos nenos, que  remata coa instalación dunha barandilla de seguridade na porta do colexio María Inmaculada.

Durante os días 27 e 28 e 29  de xaneiro , o cinema municipal de Verín acolle a proxección da película Animales fantásticos y donde encontrarlos no Salón de Actos da Casa da Cultura nos seguintes pases:

A Agrupación Europea de Cooperación Territorial (AECT) Eurocidade Chaves-Verín, presentou hoxe na Feira Internacional de Turismo Fitur 2017 a comercialización do primeiro produto turístico transfronteirizo da Unión Europea. O produto vira ao redor da ruta termal e da auga Verín-Chaves-Vidago dando a posibilidade de adquirir un paquete de 4 días (3 noites) na Eurocidade da auga para coñecer as tres vilas termais desde 195 euros por persoa/día. Ana Pastor, clausurou xunto con Nava Castro a presentación do destino transfronteirizo Chaves-Verín encomiando o proxecto de Cooperación e os logros conseguidos nos últimos anos como "un referente, sen dúbida, na península ibérica".

O Concello de Verín acolleu unha reunión da Xunta Local de Seguridade, na que participaron o subdelegado do Goberno en Ourense, Roberto Castro García; o xefe territorial de Presidencia Administracións Públicas e Xustiza., Manuel Pardo; o alcalde en funcións, Diego Lourenzo e a concelleira de Tráfico, Seguridade Cidadá e Protección Civil, Cándida Couñago Lara; xunto con membros das  Forzas e Corpos de Seguridade do Estado, da Policía Local e  Protección Civil de Verín.

A Sala de Exposicións de Verín acolle desde esta mañá, ás 10.30 horas, a mostra fotográfica «Oficios entre lusco e fusco», que o Concello organiza xunto a ABANCA e Afundación. Composta por imaxes do fotógrafo Xosé Abad, a mostra, que se poderá visitar ata o 11 de febreiro, ten como obxectivo reflexionar sobre a desaparición de moitos oficios pola mecanización do traballo e a produción en masa no ámbito da sociedade de consumo, ensinando como a calidade da produción, a experiencia como garantía ou a consideración cara aos profesionais, son valores que están en claro retroceso.