Concello de Verín

Onte, ás 20:00 horas, o presidente da Asociación de Comerciantes de Verín (Aever), Santos Álvarez,  e o xerente do colectivo, José Ángel Rodicio; acompañados do  alcalde de Verín, Gerardo Seoane, e da responsable cámara de comercio en Verín, Susana Boo,  fixeron entrega do premio de 1000 euros correspondente á promoción “Este Nadal merca en Verín” a Miguel Vega Vega durante a Gala Máxica de Aever, celebrada no Pavillón Municipal de Deportes de Verín. No evento tamén se entregaron os correspondentes cheques regalo aos gañadores do Concurso de Escaparates de Verín 2016.

O vindeiro xoves 5 de xaneiro, a partir das 17.00 horas, as rúas de Verín acollerán a tradicional Cabalgata dos Reis Magos de Oriente. Con anterioridade, ás 16:00 horas, acudirán a Residencia de Anciáns Santa María para entregarlle presentes ás persoas maiores residentes.

O Concello de Verín reimplantará a ORA en oito rúas, a petición dos comerciantes, para estimular a rotación do aparcamento nas zonas de servizos. Non haberá concesión, e será a propia Policía Local a que vixie o cumprimento dos horarios. Así o aprobou onte no pleno do Concello celebrado ás sete da tarde, cos votos a favor de PSOE e BNG, e en contra do PP.

Durante os días 6 e 7 e 8  de xaneiro , o cinema municipal de Verín acolle a proxección das películas Vaiana e El Ciudadano Ilustre no Salón de Actos da Casa da Cultura nos seguintes pases:

Esta maña, o Presidente da Cámara de Comercio e Industria de Ourense, Juan Carlos Parada Rúa, e o tenente de alcalde de Verín, Diego Lourenzo Moura, entregaron na casa consistorial os diplomas do Concurso de Escaparates de Nadal de Verín.