Concello de Verín

O Concello de Verín recupera a actividade na lonxa agropecuaria cun evento de primeiro nivel. O vindeiro venres 18 de outubro, a vila do Támega acolle o Primeiro Congreso Bioceánico-Hispano de Gastronomía (Enbhiga), encontro destinado a cociñeiros e a profesionais dos sectores do turismo e do xornalismo gastronómico e turístico.

Mañá mércores 16 de outubro, ás 13.30 horas, o concelleiro de Sanidade, Servizos Sociais e Igualdade, Eugenio Quintas recibirá no Complexo Deportivo de A Granxa a Marcos Bajo deportista con discapacidade visual debido a unha Enfermidade Rara, cofundador da Asociación “Muévete por los que no pueden”, artífice da III Volta Solidaria a España en favor das Enfermidades Raras, que discorre por Verín na súa décima etapa.

O Concello de Verín acaba de culminar as obras de acondicionamento do parque biosaludable situado na zona de A Braña de Cabreiroá. Cun investimento total de 19.641,50 euros, este proxecto foi cofinanciado nun 47% (9.231,51 euros) pola Axencia Galega de Desenvolvemento Rural (Agader), a través dos fondos feader, tramitados a través do GDR 9 Monteval, do *programa de desenvolvemento rural de Galicia, dentro do pdr de Galicia 2014-2020.

Durante os días 18, 19 e 20 de outubro,  o Cinema Municipal de Verín acolle a proxección da película “Joker” no Salón de Actos da Casa da Cultura nos seguintes horarios:

• 18-10-19: 19:45 e  22:30 h

• 19-10-19: 17:00, 19:45 e 22:00 h

• 20-10-19: 17:00, 19:45 e 22:00 h

Esta fin de semana Verín foi un dos protagonistas, da man do Lar Gallego de Sevilla, na  XI edición do Encontro de Casas Rexionais e Provinciais, organizado polo Ayuntamiento de Sevilla, que este 2019 homenaxeou á Casa de Cantabria.