Concello de Verín

O día 16 de novembro, a Asociación para a defensa do Patrimonio Cultural Galego (APATRIGAL) escolle Verín para realizar a actividade “O Mundo balneario de 1906, o soño modernista de García Barbón e Vázquez Gulías” un conxunto de visitas guiadas nas que asistentes poderán visitar os fermosos edificios e espazos construidos por estes dous visionarios.  Devandita iniciativa e posible grazas á xenerosa colaboración dos propietarios, de Cabreiroá así como do Concello de Verín, do Colexio Oficial de Arquitectos de Galicia (COAG-Ourense) e do Museo Virtual Daniel Vázquez-Gulías.

O pavillón deportivo de Verín acollerá o vindeiro 5 de decembro a Changana Cuba Jam Party, unha actividade musical que combinará música electrónica cubana a cargo do coñecido DJ Joyvan Guevara Díaz e percusión por parte de Williams Richart Cardoso, tamén procedente de Cuba. “Trátase dunha animada sesión musical que chega ata a nosa vila como unha acción enmarcada dentro da axenda de ocio e de lecer que estamos a promover dende a organización do Festival de Curtas”, destaca Carlos Montero, director do certame.

A Agrupación Europea de Cooperación Territorial  Eurocidade  Chaves- Verín foi convidada pola Dirección Xeral de Política Rexional da Comisión Europea a presentar no evento  Boosting Cros- Border  Regions  through  better  Transport (Impulsando as rexións transfronteirizas a través dun mellor transporte) o traballo desenvolto pola institución no ámbito do transporte transfronteirizo.

O vindeiro 8 de novembro, ás 18:00 horas, a Biblioteca Municipal do Concello de Verín, acolle unha xornada de contacontos e manualidades, no marco do programa de Voluntariado Cultural para o Fomento á Lectura que acompaña a Biblioteca dende fai máis de 10 anos.

A Universidade de Vigo e o  Concello de Verín presentaban esta mañá, no Museo Claustro Mercedario, o achado do castelo medieval de Cabreira, na zona do Pozo do Demo. Unha edificación relacionada coa rede de fortalezas do entorno do século X que, xunto co Castelo de Lobarzán, configuraron a rede de poboamento e urbanismo primixenio do Val de Monterrei.