Concello de Verín

 Fede Arias, reporteiro e presentador do programa “Mejor Contigo” de RTVE, será nomeado mañá en Verín “Capuchón 2022”. O ente municipal outorgaralle dita mención honorífica en recoñecemento ao seu traballo visibilizando a riqueza cultural dos pobos e municipios do noso país.

  Esta mañá, o Concello de Verín presentou a que será a súa  programación oficial do Entroido 2022. A pesar de non organizarse ningún evento masivo -coa finalidade de evitar as aglomeracións de xente- será un ano no que, con máis de cen horas programadas de música na rúa, a festa e a diversión están aseguradas.

 O Concello de Verín reordenará os recursos turísticos que encerra o Pozo do Demo desde unha nova e rompedora óptica: un Museo Natural ao aire libre fará visitables, mediante seis rutas temáticas, os inxentes recursos naturais, xeolóxicos, arqueolóxicos e históricos que aglutina esta paraxe tan querida en Verín. O plan prevé a recuperación de varios megalitos, así como a escavación completa do Bouzadoiro e do enclave no que os historiadores atoparon os restos do Castelo de Cabreira, así coma unha ruta especial dedicado á batalla contra as tropas de Napoleón en 1809.

 Os vindeiros 25 e 26 de marzo, a Biblioteca Municipal do Concello de Verín converterá, un ano máis, a vila do Támega no epicentro cultural da novela histórica organizando a quinta edición das “Xornadas de Novela Histórica”. Nesta volta levarán por título “Novas miradas na Novela Histórica”, e participarán nas mesmas escritores e escritoras de primeiro nivel que disertarán sobre temáticas moi diversas, dentro de devandito xénero literario.

 O Entroido 2022 de Verín xa ten imaxe oficial.  O cartel ilustrador de esta edición foi presentado esta mañá na vila do Támega polo alcalde de Verín, Gerardo Seoane, e por Fernando Barreira, artista local autor do mesmo.