Concello de Verín

 A VII edición do FIC Vía XIV de Verín, que terá lugar do 31 de agosto ao 04 de setembro, conta xa con cartel ilustrador. É obra do xoven creador local David Rivada e baséase na conxunción dun fenaquitoscopio, elemento circular que produce ilusión de movemento, misturado con efectos ópticos modernos. Os dous elementos circulares da imaxe unidos conforman unha bobina de cine. “Cando me escolleron non tiña para nada claro como ía realizar o traballo”, sinala Rivada, quen afirma que “ilusionismo” e “cinema” comparten moito en común  e os dous elementos están na base da súa proposta ilustradora.

 O Concello de Verín vén de presentar no marco das accións de rehabilitación (incluídas no programa Pirep Local) postas en marcha polo Goberno de España dentro dos Fondos Europeos  Next- Generation o seu proxecto de rehabilitación do Balneario de Fontenova. O mesmo ten un valor total de 627.174,75 euros; sendo o investimento subvencionable polo programa 468.737,50 euros, asumindo o Concello de Verín o importe restante con fondos propios.

 Tras dous anos de parón obrigado provocado pola Covid-19, o Concello de Verín retoma a programación presencial destas tradicionais festas. Tamén recupera a Feira Solidaria que contará coa participación de varias entidades sen ánimo de lucro, que ofrecerán todo tipo de  produtos e/ ou  servizos con  fins solidarios. As actividades programadas terán lugar o 30 de abril e o 1 de maio na Alameda e Praza Maior de Verín. Así o  confirmou esta  mañá a concelleira da área de Educación Cultura e Festexos, Emilia Somoza.

Durante os días 22, 23, e 24 de abril o cinema municipal de Verín acolle a proxección da película "Los secretos de Dumbledore, vuelve la magia” no Salón de Actos da Casa da Cultura nos seguintes pases.

 Kotodama, o grupo de teatro do actor e director verinés, Santi  Cañaveral, vén de estrear, nun bar da vila, un novo espectáculo itinerante baseado na improvisación pura e na interacción constante co público. Esta iniciativa está enmarcada dentro do curso de Teatro do Concello de Verín.

Segundo destacou Cañaveral, o novo show tivo unha gran acollida entre o público asistente debido ao seu carácter innovador. «A idea é realizar unha xira por todos os bares de Verín variando o seu espectáculo, dun a outro, para que sempre exista o efecto sorpresa para o público».

Despois dunha realizar unha gala na que tanto o público como os actores e actrices de Kotodama foron os protagonistas, Santi Cañaveral explica cales serán os seus seguintes obxectivos: «Pretendemos ser a primeira escola de teatro profesional rural da provincia de Ourense. Teño a firme convicción de que a linguaxe foi creado para mentir, aínda que en ocasións poden verse escintileos de verdade. Iso é o que tentamos ensinar en escena. Que dunha gran mentira pode existir a verdade».

Kotodama teatro

Kotodama é un proverbio xaponés que significa: espírito da linguaxe ou palabra da alma. Tanto a improvisación, coma a dirección ou a linguaxe corporal son temas fundamentais nas clases de Santi Cañaveral, que resultan na deconstrución persoal de cada un dos seus alumnos e alumnas.

O grupo de teatro Kotodama imparte as súas clases no Pavillón Municipal de Verín. Os interesados en inscribirse no curso teatral poden facelo chamando ao teléfono 600 234 318.