Concello de Verín

O Ministerio de Fomento e a Consellería de Medio Ambiente, Territorio e Infraestruturas -a través do IGVS- impulsan á rehabilitación de 20 vivendas da zona antiga e barrio de San Lázaro en Verín, a través dun convenio no que participa tamén o Concello de Verín.

Desde Desenvolvemento Local do Concello de Verín infórmase da publicación da resolución da Secretaría Xeral para o Deporte para a convocatoria dos Premios do Deporte Galego da tempada 2010-2011, que recoñecerán publicamente os máis destacados axentes do ámbito deportivo de Galicia.

A Casa da Cultura de Verín acollerá mañá 26 de novembro, a partir das 19 horas, o tradicional concerto de Santa Icía do alumnado do Conservatorio Elemental de Música.

A Asociación da Ruta do Viño Monterrei, en colaboración co Concello de Verín e o Consello Regulador da Denominación de Orixe Monterrei, elaborou paquetes especiais de enoturismo para a ponte da Constitución, destinados a que os/as visitantes se aproximen a Verín nestas datas co obxecto de coñecer de modo integral un destino con múltiples posibilidades: paseos por viñedos, visita a adegas, degustación da gastronomía da zona, adquisición de produtos típicos e visitar o patrimonio natural e histórico-artístico da comarca de Verín-Monterrei.

Durante estas tres semanas, un centenar de alumnos/as do colexio María Inmaculada visitarán a Biblioteca Pública Municipal de Verín, dentro do programa de actividades organizadas ao longo do curso escolar por esta instalación.