Concello de Verín

A Biblioteca Pública Municipal do Concello de Verín organiza os días 14 e 15 de decembro, ás 11 horas, unha videoconferencia con Papá Noel para os/as nenos/as de infantil do centro educativo Amaro Refojo e Papá Noel.

A Casa do Escudo de Verín acolleu hoxe a presentación do acordo alcanzado entre o Concello de Lalín e a D.O. Monterrei para a promoción da Festa do Cocido e dos viños desta denominación, que contou coa participación do conselleiro de Cultura e Turismo, Roberto Varela Fariña, a secretaria xeral para o Turismo, Carmen Pardo López, o presidente do Consello Regulador da D.O. Monterrei, Antonio Ángel Méndez Atanes, e os rexedores de Lalín e Verín, Xosé Crespo Iglesias e Juan Manuel Jiménez Morán, respectivamente.

A Casa da Cultura de Verín acollerá mañá 9 de decembro, a partir das 20.15 horas, a conferencia 'A Constitución de todos e todas. Homenaxe á Constitución no 33 aniversario', a cargo de José Agustín González-Ares Fernández, profesor de Dereito Constitucional da Universidade de Vigo.

O pasado sábado 3 de decembro, iniciouse en Chaves o Curso de Xestión de Proxectos de Participación Xuvenil  'A Xuventude Móvese, promovido pola Dirección Xeral de Xuventude e Voluntariado, co apoio do Instituto Português da Juventude, e en colaboración co Concello de Verín e a Câmara Municipal de Chaves.

A partir de mañá e ata 8 de decembro, ponte da Constitución, a  Asociación da Ruta do Viño Monterrei, en colaboración co Concello de Verín e o Consello Regulador da Denominación de Orixe Monterrei, ofertará paquetes especiais de enoturismo destinados a que os/as visitantes se aproximen a Verín nestas datas co obxecto de coñecer de modo integral un destino con múltiples posibilidades: paseos por viñedos, visita a adegas, degustación da gastronomía da zona, adquisición de produtos típicos e visitar o patrimonio natural e histórico-artístico da comarca de Verín-Monterrei.