Concello de Verín

O alcalde de Verín, Juan Manuel Jiménez Morán, asinou coa ministra de Fomento, Ana Pastor, e o presidente do IGVS e conselleiro de Medio Ambiente, Territorio e Infraestruturas da Xunta de Galicia, Agustín Hernández, o acordo relativo á área de rehabilitación integral do casco histórico de Verín, 7ª Fase-Período 2011, no marco do R.D. 2066/2008, de 12 de decembro, polo que se regula o Plan Estatal de Vivenda e Rehabilitación 2009-2012.

A Piscina Climatizada de Verín acollerá mañá sábado, ás 10.30 horas, a actividade de 'Títerehop', do programa FalaRedes! organizado pola Secretaría Xeral de Política Lingüística coa colaboración do Concello de Verín.

A Casa da Cultura de Verín acolleu, con motivo da celebración do Día das Letras Galegas, a entrega dos premios do 'Certame de Poesía Xosé Carlos Caneiro Pérez' e do 'Certame de Relato Curto Antonio Fernández Pérez'. En total foron 78 relatos curtos e poemas escritos por alumnos/as dos CEIPs de Castrelo do Val, de Oímbra, O Castiñeiro de Laza e Amaro Refojo de Verín, os colexios María Inmaculada e Apostólico Mercedario, e os IES Castro de Baronceli e Xesús Taboada Chivite.

Durante os meses de maio e xuño, a Eurocidade Chaves-Verín acollerá a realización dos seminarios gratuítos “Motivación Emprendedora” e “Avaliación de Ideas Empresariais”, organizados por BIC Galicia e o departamento de Desenvolvemento Local do Concello de Verín, e cofinanciados polo Fondo Social Europeo.

Na xornada de hoxe 18 de maio, a facultade de Ciencias Políticas e Socioloxía da Universidade Complutense de Madrid acolleu a conferencia 'Proxecto Eurocidade  Chaves-Verín: un enclave innovador para o desenvolvemento de oportunidades', destinada aos/ás alumnos/as do grado de Relacións Internacionais, estudantes da licenciatura de Ciencias Políticas e alumnos/as do doutorado en Cooperación Internacional.