Concello de Verín

Maña xoves 18 de Agosto ás 20h, no salón de actos do Concello de Verín estará connosco Nones Araújo coa súa obra «Imaxes Roubadas», ed. Xerais 2022, libro premiado na XXIII edición do Premio Ánxel Fole de narración curta. Presentación da autora e a súa obra a cargo de Rubén Riós.

 A.C. Lumiños e o Concello de Verín, presentan a cuarta edición Extruga na rúa, un evento de carácter urbano que engloba deporte, música e arte, e que este ano, como novidade, celebrarase na zona verde situada na contorna de A Preguiza. O festival, completamente gratuíto, terá lugar o 26, 27 e 28 de agosto. Así o confirmaron está mañá Diego Lourenzo, tenente de alcalde e concelleiro de Mocidade de Verín; e Hugo Salgado, Antonio Álvarez, Iris Justo e Noemí Álvarez , organizadores do evento.

 O pleno do Concello de Verín acordou hoxe por unanimidade activar o protocolo para que, tras o incendios acontecido a semana pasada, se activen os pasos necesarios para a declaración de zona afectada gravemente por unha emerxencia de Protección Civil. O obxectivo da proposta é que se habiliten as liñas de axudas e subvencións estatais pertinentes para recuperar o territorio afectado polos incendios.

 A música de raíz doutros lugares do mundo chega a Verín da man das XXXVII Xornadas de Folclore. Serán músicos e intérpretes de Colombia, México e Timor os que actuarán na vila, traendo ritmos tradicionais dos seus países de orixe. Este espectáculo único terá lugar o luns 15 de agosto ás 22:30 na Praza García Barbón.

Un Superheroe, Fran Rei, chegará a Verín o próximo 20 de agosto. A súa aparición, que será ás 21:00 horas na Praza da Merced, pretenderá amosar como é a apaixoante experiencia persoal da paternidade. É “unha sentida e sincera homenaxe a todos e todas @s superheroes e superheroínas que, día a día, nos fan a vida máis doada, máis fermosa e máis feliz”.