Concello de Verín

O Local de Ensaios da Eurocidade Chaves-Verín acollerá o vindeiro sábado 01 de xuño, a partir das 19 horas (hora local), a 'Festa Jam-Session', aberta ao público en xeral e destinada aos grupos usuarios do local e outros axentes musicais da zona da Eurocidade, co obxecto de difundir a acción cultural do espazo, transmitir a súa vocación de ser centro de unión e intercambiar experiencias entre músicos dos dous lados da fronteira.

Do 31 de maio ao 02 de xuño, o equipo de infantil de fútbol sala das EDC Verín participará no Campionato Nacional de Clubs, da Confederación Nacional de Fútbol Sala, como representante de Galicia tras acadar o campionato da Liga Galega nesta tempada.

O vindeiro 01 de xuño terá lugar, no Pavillón Municipal de Deportes e no complexo deportivo A Granxa, a realización do fase final da XXX Copa Deputación Base Fútbol Sala.

A coordinadora provincial de Educación Viaria da DGT, Dosinda Aguiar Rodríguez, impartiu a charla-coloquio 'Educación viaria como medio de prevención de accidentes de tráfico na infancia' a vinte e tres voluntarios/as de Cruz Vermella Monterrei e Conso-Frieiras, e Cruz Vermelha de Chaves.

O salón de actos da Casa da Cultura de Verín acolle este xoves 30 de maio, a partir das 20.30 horas, a charla-coloquio 'O Wu-Shu e o deporte de elite', a cargo do verinense José Manuel Ferreira Colmenero.