Concello de Verín

A Casa da Cultura de Verín acolleu, na mañá de hoxe, a clausura das Xornadas de formación e  presentación do simulacro en materia de xestión de emerxencias do Proxecto ARIEM 112, presidida polo director xeral de Emerxencias e Interior, Santiago Villanueva Álvarez, o xerente de Axega, Juan José Muñoz Iglesias, o do presidente Consorcio Contra Incendios e Salvamento da comarca de Verín, José Ramón Barreal Novo, e o tenente alcalde de Verín, Enrique Díaz García.

Aos residentes nas rúas AMARO REFOXO, CRUZ E TREITO DENDE A PRAZA MAIOR Á RÚA MAIOR (ATÉ A IGREXA PARROQUIAL), na medida do posible, se absteñan de utilizar o vehículo polas referidas rúas, dende as 22 horas do 1 de xuño até as 14 horas do día 2; todo isto con motivo da celebración da festa do Corpus e alfombrar con flores as devanditas rúas para esta festividade relixiosa.

Desde Desenvolvemento Local do Concello de Verín infórmase da publicación por parte do Ministerio de Industria, Enerxía e Turismo da orde IET/940/2013, do 24 de maio, pola que se establecen as bases reguladoras da concesión de subvencións para o fomento das solicitudes de patentes e modelos de utilidade pola Oficina Española de Patentes e Marcas.

O martes 04 de xuño, na aula CeMIT do Concello de Verín impartirase o seminario gratuíto 'A aventura de crear un xogo. Ferramentas de desenvolvemento e lanzamento dun proxecto', programado polo Centro de Novas Tecnoloxías de Galicia (CNTG).

Desde Desenvolvemento Local do Concello de Verín infórmase da publicación da resolución do 20 de maio de 2013 pola que se lle dá publicidade ao acordo do Consello de Dirección que aproba as bases reguladoras das axudas do Igape aos proxectos de creación de pequenas e medianas empresas ou de realización de investimentos en pequenas e medianas empresas novas promovidas por novos emprendedores, cofinanciadas polo Fondo Europeo de Desenvolvemento Rexional, no marco do programa operativo Feder Galicia 2007-2013, e se procede á súa convocatoria en réxime de concorrencia non competitiva.