Concello de Verín

A Oficina Municipal de Información Xuvenil do Concello de Verín, dentro do ciclo actividades programadas para o Nadal, abre o prazo de inscrición, a partir do martes 10 de decembro, para formar parte da actividade 'Esquiando en Manzaneda', realizada para que os/as nenos/as de Verín e comarca poidan acudir a esta estación de montaña e así aprender o deporte do esquí.

Realización dos primeiros quilómetros da Ruta Termal e da Auga Verín-Chaves-Vidago (tramo de Verín). Todas as imaxes no noso facebook 

Esta tarde acenderase a iluminación do Nadal de Verín, que decorará as rúas e prazas da vila do Támega durante as vindeiras semanas. O acendido dará o pistoletazo de saída a todas as actividades programadas para o Nadal polo Concello de Verín e AEVER-CCU Verín. Todas as actividades en http://www.verin.es/index.php?option=com_content&view=article&id=2397:2013-11-29-12-43-38&catid=1:latest-news&Itemid=61

A Eurocidade Chaves-Verín, Câmara Municipal de Chaves, Concello de Verín asociáronse por segundo ano consecutivo á campaña solidaria de Nadal, levada a cabo por Gráfica Sinal e pola asociación xuvenil A Voz da Juventude, para promover a iniciativa transfronteiriza solidaria 'Espalle alegría na Eurocidade Chaves-Verín' destinada a axudar a familias necesitadas do territorio da Eurocidade.

Co título ‘Comunicación e cooperación internacional’ desenvolveranse na Deputación da Coruña as VIII Xornadas do Fondo Galego de Cooperación e Solidariedade o vindeiro 10 de decembro, coincidindo co Día Internacional dos Dereitos Humanos. A asociación municipalista vén organizando este tipo de encontros desde hai case unha década para reflexionar sobre as distintas problemáticas que afectan ao sector. Desta volta, os debates centraranse na relevancia da comunicación para construír un mundo máis xusto. Profesionais de diversos medios, como Periodismo Humano ou Praza Pública, pero tamén ONGD, académicos, políticas, fotógrafos como Gabriel Tizón ou Rober Amado e mesmo un xornalista caboverdiano participarán nas mesas.