Concello de Verín

A sede da Eurocidade Chaves-Verín (antiga aduana de Feces de Abaixo) acollerá na xornada de mañá, xoves 28 de novembro, o Workshop 'Eurorrexión Termal e da Auga', adicado ao análise de cuestións relacionadas co desenvolvemento do termalismo como industria, actividade turística e actividade sanitaria.

A Biblioteca Pública Municipal de Verín apraza ata o vindeiro 14 de decembro o obradoiro explicativo para impresoras en 3D que estaba previsto, inicialmente, para este sábado.

O Fondo Galego de Cooperación e Solidariedade promove entre o 9 e o 13 de decembro a Irmandade Galicia-Cabo Verde, que se concretará na visita dunha delegación procedente do arquipélago africano para visibilizar os proxectos de desenvolvemento apoiados nos últimos once anos. A comitiva percorrerá os concellos de Burela, Oleiros, Cambre, Vigo, Redondela, Allariz e as deputacións de Lugo e A Coruña, amais de entrevistarse con representantes da Xunta de Galicia e da Federación Galega de Municipios e Provincias.

O Concello de Verín organiza un obradoiro para aprender a facer o traxe de cigarrón, ben sexa completo ou partes desta máscara. Os/as interesados/as poden inscribirse até o día 10 de decembro na Casa do Concello, na oficina de información (planta baixa), onde se lles facilitará unha relación dos materiais que precisan para desenvolver con normalidade as actividades e un formulario de tramitación bancaria.

Desde Desenvolvemento Local do Concello de Verín infórmase da publicación do Real Decreto 908/2013, do 22 de novembro, polo que se establecen as normas especiais para a concesión de axudas extraordinarias a traballadores afectados por procesos de reestruturación de empresas.