Concello de Verín

Desde Desenvolvemento Local do Concello de Verín infórmase da publicación da resolución do 25 de novembro de 2013 pola que se dá publicidade do acordo do Consello de Dirección do Instituto Galego de Promoción Económica (Igape) que aproba as bases reguladoras das axudas do Igape para a contratación de xestores Igapex de internacionalización, cofinanciadas polo Fondo Social Europeo no marco do programa operativo FSE Galicia 2007-2013, e se procede á súa convocatoria para o exercicio 2014 en réxime de concorrencia non competitiva.

As fotografías e óleos dos artistas Suso Godás e Leonardo Vidal inaugurarán a nova sala de exposicións de Verín, situada no local da rúa Irmáns La Salle, no mesmo recinto da Oficina Municipal de Turismo, e que entrará en funcionamento este venres 20 de decembro.

O vindeiro día 22 de decembro de 2013, o Concello de Verín organiza unha carreira solidaria que pasará polas rúas Irmáns Moreno, Deputación, Canella Cega, San Antón, Avda. de Sousas e Avda. Luís Espada (no seu cruzamento coa Avda. de Sousas e rúa Deputación).

Desde Desenvolvemento Local do Concello de Verín infórmase da publicación da resolución do 5 de decembro de 2013 pola que se lle dá publicidade ao acordo do Consello de Dirección que aproba as bases reguladoras das axudas aos proxectos de creación de pequenas e medianas empresas ou de realización de investimentos en pequenas e medianas empresas novas promovidas por novos emprendedores, cofinanciadas polo Fondo Europeo de Desenvolvemento Rexional, no marco do programa operativo Feder Galicia 2007-2013, e se procede á súa convocatoria en réxime de concorrencia non competitiva (Galicia Emprende).

A finais de semana arrancarán as principais actividades de Nadal programadas para os/as menores do municipio. Entre as primeiras atópanse '@Komezamos.Kom', o sábado 21, e 'Que chega Santa Claus e o seu duende', o 23 de decembro, que se realizarán nas prazas do Rei, Maior, Edesio Fuentes e Mercé.