Concello de Verín

O vindeiro venres 20 de decembro, de 18 a 19.30 horas, a Biblioteca Pública Municipal de Verín programa a iniciativa 'Contos do Nadal' no marco da programación de actividades destinadas ao fomento da lectura e dinamización da instalación municipal.

A Consellería de Traballo e Benestar concedeu aos concellos de Verín e Vilardevós un obradoiro de emprego para a formación de 32 persoas desempregadas de ambos municipios, nas áreas de xardinería, carpintería e axuda a domicilio.

Desde Desenvolvemento Local do Concello de Verín infórmase da publicación da resolución do 5 de decembro de 2013 pola que se dá publicidade ao acordo do Consello de Dirección que aproba as bases reguladoras das axudas aos proxectos de investimento empresarial, cofinanciadas polo Fondo Europeo de Desenvolvemento Rexional, no marco do programa operativo Feder Galicia 2007-2013, e se procede á súa convocatoria en réxime de concorrencia non competitiva (Galicia Inviste).

A Biblioteca Pública Municipal de Verín acolle este sábado 14 de decembro, de 12 a 14 horas, un obradoiro explicativo de impresoras en 3D, que vai desde a súa montaxe ata a elaboración dunha peza (o mesmo estaba previsto o 30 de novembro pero foi posposto ata este sábado).

Co obxecto de solventar as roturas da canalización de abastecemento na marxe dereita da nacional 525, na localidade de Pazos, a brigada municipal do Concello de Verín está, nas últimas semanas, a substituír a mesma e así mellorar a calidade do servizo de auga ofertado aos/ás veciños/as desta zona do municipio.