Concello de Verín

O vindeiro venres 31 de xaneiro, de 18 a 19.30 horas, a Biblioteca Pública Municipal de Verín programa a iniciativa 'Contos dos Monstros', no marco da programación de actividades destinadas ao fomento da lectura e dinamización da instalación municipal.

A Biblioteca Pública Municipal de Verín acollerá o vindeiro mércores 29 de xaneiro, ás 19.30 horas, a presentación do libro Dereito de sufraxio, réxime electoral e partidos políticos: da Constitución de Cádiz aos nosos días, a cargo de José Agustín González-Ares Fernández, coordinador e coautor da publicación.

A Eurocidade Chaves-Verín asistirá o luns 27 en Baiona como membro da Comunidade de Traballo Galicia-Norte de Portugal ao X plenario da mesma, segundo comunicaron o titular da Xunta e tamén presidente da Comunidade de Traballo Galicia-Norte de Portugal, Alberto Núñez Feijóo e o presidente da CCDR-N (Comissâo de Coordenaçao e Desenvolvimento Regional do Norte de Portugal), Emidio Gomes, aos alcaldes de Verín e Chaves.

Desde Desenvolvemento Local do Concello de Verín infórmase da publicación da resolución do 30 de decembro de 2013, da Axencia Galega de Innovación, pola que se establecen as bases reguladoras para a concesión, en réxime de concorrencia competitiva, das subvencións para investimentos innovadores para o crecemento empresarial no ámbito da Comunidade Autónoma de Galicia (Programa i2C INN), cofinanciadas polo Fondo Europeo de Desenvolvemento Rexional (Feder), no marco do programa operativo Feder Galicia 2007-2013, e se procede á súa convocatoria para o ano 2014 (código de procedemento IN848A).

Desde Desenvolvemento Local do Concello de Verín infórmase da publicación da resolución do 30 de decembro de 2013, da Axencia Galega de Innovación, pola que se establecen as bases reguladoras para a concesión, en réxime de concorrencia non competitiva, das subvencións para o fomento da propiedade industrial no ámbito da Comunidade Autónoma de Galicia (Programa i2C PI), cofinanciadas polo Fondo Europeo de Desenvolvemento Rexional, no marco do programa operativo Feder Galicia 2007-2013, e se procede á súa convocatoria para o ano 2014 (código de procedemento IN525A).