Concello de Verín

Desde a inauguración da nova Sala de Exposicións do Concello de Verín xa foron 806 as persoas que visitaron as mostras expostas na mesma, pertencentes a Suso Godás e Leonardo Vidal, ademais da destinada á elección do cartel anunciador do Entroido 2014.

Desde Desenvolvemento Local do Concello de Verín infórmase da publicación da orde do 7 de xaneiro de 2014 pola que se establecen os requisitos formativos para o acceso á formación dos certificados de profesionalidade de nivel 2 e 3 de cualificación profesional e se regulan as probas de avaliación en competencias clave dentro das accións formativas de formación profesional para o emprego na Comunidade Autónoma de Galicia.

A Eurocidade Chaves-Verín e Antena Local de Verín (Cámara de Comercio e Industria de Ourense) promoven a realización dun curso de español, que terá lugar do 27 de xaneiro ao 14 de febreiro.

Desde hoxe, os dezaseis carteis participantes no concurso destinado a seleccionar o cartel oficial do 'Desfile Infantil 2014' estarán expostos ao público na nova Sala de Exposicións de Verín. Nesta sétima edición do concurso participaron carteis dos CEIPs Amaro Refojo, Princesa de España, Castrelo do Val, Rodolfo Núñez de Vilardevós, Medeiros, o Colexio Rural Agrupado Monterrei, Gardaría Pinocho e o Colexio María Inmaculada. Todas as fotografías no noso Facebook.

O vindeiro xoves 16 de xaneiro, de 18 a 19.30 horas, a Biblioteca Pública Municipal de Verín programa a iniciativa 'Contos ao carón da lareira', no marco da programación de actividades destinadas ao fomento da lectura e dinamización da instalación municipal.