Concello de Verín

O vindeiro venres, 22 de abril, ás 19:30 horas a Biblioteca do Concello de Verín acollerá a conferencia “Cervantes e Galicia”, a cargo de D. César Brandariz investigador da vida, personaxe e obra de Cervantes.

A AECT Chaves Verín participou activamente na Asemblea Xeral da Asociación Europea de Vilas Termais Históricas, celebrada o pasado 14 de abril, na histórica cidade termal de Karlovy Vary (República Checa). Á cita acudiu  unha delegación técnica en representación da AECT que, xunto a máis de 40 delegados das principais cidades históricas termais europeas, abordaron o futuro das políticas turísticas e termais a nivel comunitario.

O pasado xoves 6 de abril reuníronse en asemblea xeral os membros do goberno da Agrupación Europea de Cooperación Territorial (AECT) Eurocidade Chaves-Verín convocados polo seu presidente, Antonio Cabeleira . Á mesma, asistiron os delegados de Verín: Diego Lourenzo, Purificación Caldelas e José Luís Martín e os de Chaves: Carlos Penas e Joao Neves.

O novo Centro Cultural e das Artes de Verín acollerá esta fin de semana un congreso, organizado pola Universidade de Santiago de Compostela e o Concello de Verín, sobre o futuro das radios e televisións municipais en confluencia coas novas tecnoloxías. Nestas xornadas, ademais de estar presentes os maiores expertos a nivel nacional neste tema, celebrarase unha clase presencial da Facultade de Xornalismo de Santiago de Compostela. Polas tardes, as persoas que o desexen, poderán participar nos talleres prácticos sobre como facer e editar o seu propio programa de radio.

Trinta e catro persoas participan na acción formativa organizada polo Concello de Verín, a través da Escola de Familia municipal,  destinada á preparación das probas libres para a obtención do graduado en ESO que se desenvolven durante os meses de maio (día 27) e setembro (día 8) de 2016.