Concello de Verín

Desde o Concello de Verín informamos que as coplas, editadas polo ente municipal, do Certame Enrique Gómez Pato celebrado na Festa dos Maios están disponibles no seguinte enlace http://ow.ly/4nrB0B 

O Concello de Verín iniciou o Plan de Acondicionamento das Ribeiras do Támega anunciado en outono pasado polo alcalde, Gerardo Seoane, para encarar a chegada do próximo verán con estas zonas verdes e de baño en plenas condicións. Así, vense de abrir ó tránsito peonil na pasarela reformada sobre o río na zona do Olivar, cunha inversión de 50.000 euros, así como melloras na pasarela da praia fluvial e a plantación de novas árbores.

O vindeiro sábado 7 de maio, terá lugar a  Xornada de creación de emprego e riqueza mediante o uso cooperativo do monte comunal no Centro de Desenvolvemento Cooperativo Transfronteirizo de Verín (Parque Empresarial de Pazos),   organizada por AGACA (Asociación Galega de Cooperativas Agroalimentarias) e Rede Eusumo coa colaboración do Centro Desenvolvemento Cooperativo de Verín e a Oficina Desenvolvemento Local do Concello de Verín.

A Praza da Mercé acollerá o vindeiro domingo 15 de maio a primeira edición da Feira Solidaria, organizada polo Concello de Verín. Esta iniciativa, que pretende poñer en valor o labor das asociacións sen ánimo de lucro participantes, contará cun total de 15 entidades, que ofrecerán todo tipo de produtos e/ou servizos con fins solidarios.

O vindeiro venres 6 de maio, de 18:00 a 19.30 horas, a Biblioteca Pública Municipal de Verín programa a xornada de conta contos e manualidades Cempés saltarín, no marco da programación de actividades destinadas ao fomento da lectura e dinamización da instalación municipal.